اسلام آباد: وزیر اعظم کے معاون خصوصی برائے اوورسیز پاکستانیز اینڈ ہیومن ریسورس ڈویلپمنٹ سید ذوالفقار عباس بخاری نے پیر کو اوورسیز پاکستانیز فاؤنڈیشن (او پی ایف) ویلی زون فائیو میں ‘کنٹری ہومز اینڈ لگژری اپارٹمنٹس’ کا افتتاح کردیا۔
افتتاحی تقریب سے خطاب کرتے ہوئے اُنہوں نے کہا کہ اس سکیم میں 200 ولاز شامل ہیں جن کو چار مرحلوں میں تعمیر کیا جائے گا اور اس سے بیرون ملک مقیم افراد کو بین الاقوامی رہائش کی سہولیات فراہم کی جائیں گی۔
انہوں نے کہا کہ ابتدائی مرحلے میں او پی ایف نے جلد منصوبے کی تکمیل کو یقینی بنانے کے لئے 50 ولاز کی تعمیر شروع کردی ہے۔
انہوں نے بتایا کہ ایک گھر کی قیمت 27.7 ملین ہے اور دو سال کے آسان اقساط پلان سے اس کا فائدہ اٹھایا جاسکتا ہے۔
زلفی بُخاری نے کہا کہ کنٹری ہومز اینڈ لگژری اپارٹمنٹس اسکیم میں پارکس، ریسٹورنٹس، کمرشل پلازہ، اسکولز، مساجد اور کالج شامل ہوں گے۔ علاقے میں بنیادی سہولیات کی فراہمی کو پہلے ہی یقینی بنایا گیا ہے۔
انہوں نے بتایا کہ حکومت نے او پی ایف میں غیر قانونی قبضے سے 102 کنال بازیافت کرکے قبضہ الاٹیز کو منتقل کردیا ہے۔
مزید خبروں اور اپڈیٹس کے لئے وزٹ کیجئے گرانہ بلاگ۔
