نیشنل فلڈ رسپانس اینڈ کوآرڈینیشن سینٹر (این ایف آر سی سی) کے حالیہ اجلاس میں سیلاب سے متاثرہ کسانوں میں گندم کے بیج کی مفت تقسیم کے لیے منصفانہ اور منظم طریقہ کار وضع کرنے کی خاطر کمیٹی تشکیل دینے پر غور کیا گیا۔
این ایف آر سی سی حکام کے مطابق اجلاس کی صدارت این ڈی ایم اے کے چیئرمین لیفٹیننٹ جنرل اختر نواز نے کی اور اس کی شریک صدارت نیشنل کوآرڈینیٹر این ایف آر سی سی میجر جنرل ظفر اقبال نے کی۔ اجلاس میں صوبائی حکام بھی شریک ہوئے۔
حکام کے مطابق اجلاس کو بتایا گیا کہ سیلاب سے متاثرہ تمام اضلاع میں گندم کے بیج کی منصفانہ اور منظم تقسیم کے لیے قائم کی جانے والی کمیٹی میں ضلعی انتظامیہ، وفاقی و صوبائی حکومتوں اور این ڈی ایم اے کے حکام شامل ہوں گے۔
علاوہ ازیں اجلاس میں سیلاب سے متاثرہ زرعی اراضی کے کسانوں کے زمینی حالات و حقائق کے حوالے سے بریفنگ دی گئی۔
حکام کا کہنا ہے کہ منصوبے کے تحت گندم کے بیجوں پر آنے والے 50 فیصد اخراجات وفاقی حکومت جبکہ باقی اخراجات متعلقہ صوبے برداشت کریں گے۔
وفاقی سیکرٹری خوراک نے اجلاس کو بیج کی خریداری اور اس کی تقسیم کے طریقہ کار کے بارے میں آگاہ کیا۔
اقوام متحدہ کے اعداد و شمار کے مطابق ملک بھر کے 84 اضلاع کو آفت زدہ قرار دیا گیا ہے، جن میں بلوچستان کے 23، سندھ کے 21 اور خیبرپختونخواہ کے 17 اضلاع شامل ہیں۔
این ایف آر سی سی حکام نے بتایا کہ سیلاب زدہ علاقوں میں ماڈل ولیجز بنانے کے حوالے سے بھی گفتگو ہوئی جہاں گھروں کے علاوہ دیگر سہولیات بھی فراہم کی جائیں گی جن میں مسجد، بنیادی صحت کے مراکز اور دیگر شامل ہیں۔
اجلاس کو ماڈل گھروں کے رہائشی یونٹ کے مختلف ڈیزائنز کے بارے میں بتایا گیا جہاں مویشی بھی باآسانی رکھے جا سکیں گے۔
مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
