اسلام آباد: متحدہ عرب امارات نے چین پاکستان اقتصادی راہداری (سی پیک) کے تحت بننے والے فیصل آباد اکنامک زون میں 1 کروڑ 50 لاکھ ڈالر کی سرمایہ کاری کا اعلان کر دیا۔
وزیراعظم کے مشیر برائے تجارت و سرمایہ کاری عبدالرزاق داوَد نے سماجی رابطوں کی ویب سائٹ پر اپنے ایک پیغام میں کہا کہ یو اے ای نے پاکستان میں اقتصادی منصوبوں میں دلچسپی کا اظہار کرتے ہوءے 15 ملین ڈالر کی سرمایہ کاری کا اعلان کیا ہے۔
ان کا کہنا ہے کہ اماراتی سرمایہ کاری کی مدد سے پہلے مرحلے میں فیصل آباد اکنامک زون میں ایرو سول پروپلینٹ گیس پلانٹ کی تعمیر و تنصیب کے منصوبے کا کام شروع کیا جائے گا۔
ان کا کہنا تھا کہ مقامی سطح پر گیس کی پیداوار کے اس منصوبے سے درآمدی گیس پر ملکی انحصار میں کمی واقع ہو گی۔
مزید خبروں اور اپڈیٹس کیلئے وزٹ کیجئے گرانہ بلاگ۔
