پاکستان میں 40 فیصد اموات غیر معیاری پانی سے ہوتی ہیں

کراچی: پاکستان میں 40فیصد اموات غیر معیاری پانی کے استعمال سے ہوتی ہیں۔ ان خیالات کا اظہار محمد وسیم وہرہ، کنوینر  ایف پی سی سی آی نے سیمینارمیں کیا۔

سیمینار کا عنوان ‘پانی اور ماحولیاتی استحکام کا بچاو’ تھا، جس کا انعقاد ڈاکٹر پنجوانی سینٹر فار مالیکیولر میڈیسن اینڈ ڈرگ ریسرچ اور ورچول ایجوکیشن پروجیکٹ پاکستان نے کیا تھا۔

وہرہ نے اس امر پر زور دیا کہ حکومت کو آبی وسائل کے بچاو کیلئے قانون سازی،  جدید ٹیکنالوجی  اور عوامی کردار کو فروغ دینا ہوگا۔ انہوں نے مزید بتایا کہ پانی سے متلعق مسائل اس لیے زیادہ ہو گئے ہیں کہ موجودہ پانی کا اکثر حصہ فصلوں کی سیرابی اور گھریلو اور صنعتی استعمال میں چلا جاتا ہے۔ اس سے پانی کی قلت ہو جاتی ہے، جس کو غیر معیاری جگہوں اور ذراٰئع سے پورا کیا جاتا ہے۔

ان کے مطابق پاکستان میں  بڑے ڈیمز صرف 102ملین کیوبک فٹ  پانی کو ذخیرہ کرسکتے ہیں جبکہ ہمیں 140ملین کیوبک فٹ پانی دستیاب ہوتا ہے، اس لحاظ سے ہم ہر سال بے تحاشا پانی ضائع کر دیتے ہیں۔