اسلام آباد/ابوظہبی: ریئل اسٹیٹ کاروبار کے مرکز متحدہ عرب امارات سفر اختیار کرنے کے لیے وزٹ ویزا یکم ستمبر سے 30 دن کی بجائے اب 60 دنوں کے لیے کارآمد ہوگا۔
وزارتی حکام کے مطابق اس تبدیلی سے یو اے ای میں کاروبار کی تلاش اور چھٹیاں منانے کے لیے جانے والے شہریوں کو طویل دوروں سے لطف اندوز ہونے کا موقع ملے گا۔
متحدہ عرب امارات کے ویزا نظام میں متعارف کرائی گئی نئی تبدیلیاں یکم ستمبر 2022 سے نافذ العمل ہوں گی۔
رپورٹس کے مطابق یکم ستمبر سے متحدہ عرب امارات میں نئے آنے والے مسافر 60 دن کے وزٹ ویزا سے مستفید ہوں گے۔
اپریل میں سامنے آنے والے نئے قوانین کے تحت متحدہ عرب امارات میں وزٹ اور ریزیڈنسی ویزا سسٹم میں متعدد تبدیلیوں کے ایک حصے کے طور پر چھٹیاں گزارنے یا گھومنے پھرنے کیلئے دبئی جانے والوں کو امارات میں دوگنا وقت ملے گا۔
اس سے قبل بہت سی ممالک کے شہریوں کو صرف 30 دن کا ویزا آن ارائیول ملتا تھا جس میں برطانیہ، امریکہ اور آسٹریلیا کے شہری بھی شامل تھے جبکہ 30 دنوں کے بعد آپ کو اپنے ویزا کی تجدید کے لیے ادائیگی کرنے سے پہلے 9 دن کی رعایتی مدت ملتی تھی یا اضافی قیام کے ہر دن کے لیے 100 درہم یومیہ جرمانے کا سامنا کرنا پڑتا تھا۔
اب اگلے ماہ سے متحدہ عرب امارات میں داخل ہونے والے وزٹ ویزے پر 60 دن کا لطف اٹھا سکیں گے جو امارات میں توسیعی تعطیلات کے خواہاں مسافروں کے لیے مثالی اقدام ہے۔
اس اقدام کے ذریعے دبئی جانے والوں کو کاروبار، اپنے کام یا رہائشی ویزا کا بندوبست کرنے کی سہولت بھی ملے گی۔
یو اے ای حکام کے مطابق وزٹ ویزہ سنگل یا ایک سے زیادہ بار انٹری کے لیے دستیاب ہو گا اور مزید 60 دنوں کے لیے ان کی تجدید بھی کی جا سکتی ہے۔
رپورٹس میں بتایا گیا ہے کہ باقاعدہ سیاحتی ویزے کے ساتھ ساتھ متحدہ عرب امارات کی کابینہ نے ایک نئے پانچ سالہ ملٹی انٹری ٹورسٹ ویزا کی نقاب کشائی بھی کر دی ہے جو سیاحوں کو بغیر کسی اسپانسر کے متحدہ عرب امارات میں مسلسل 90 دنوں تک رہنے کی اجازت دیتا ہے۔
تاہم اس ویزے پر ایک سال میں 180 دنوں سے زیادہ یو اے ای میں رہنے کی اجازت نہیں ہوگی۔
اس ویزا کے لیے پچھلے 6 مہینوں میں 4 ہزار ڈالر یا اس کے مساوی غیر ملکی کرنسی کا بینک بیلنس رکھنے کا ثبوت درکار ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
