بین الاقوامی موسمیاتی تبدیلی کو روکنے کے لیے مصر میں ہونے والی کاپ 27 کانفرنس کے دوران ترکی نے گرین ہاؤس گیسوں کے اخراج میں 2030ء تک 41 فیصد کمی کا عہد کیا۔
حکام کے مطابق ترک وزیر برائے ماحولیات، شہری آبادی و ماحولیاتی تبدیلی مرات کورم کا کہنا تھا کہ ترکی نے 2030ء تک گرین ہاؤس گیسوں کے اخراج میں 41 فیصد کمی کرنے کا عہد کیا ہے۔ ان کا کہنا تھا کہ اس عمل سے 500 ملین ٹن گرین ہاؤس گیسوں میں کمی واقع ہو گی۔
ترک وزیر کا کہنا تھا کہ ترکی 2053ء تک گرین ہاؤس گیسوں کا اخراج صفر کرنے کے لیے پُرعزم ہے۔ ان کا کہنا تھا کہ ملکی معیشت کو نئی حکمتِ عملی کے دھارے میں لایا جائے گا تاکہ اس مقصد میں کامیابی حاصل کی جا سکے۔
واضح رہے کہ بین الاقوامی موسمیاتی تبدیلی کے باعث ہونے والی تباہ کاریوں سے نمٹنے کے لیے مصر میں کاپ 27 کانفرنس جاری ہے۔ اس کا مقصد دنیا بھر میں ماحولیاتی آلودگی میں کمی لا کر کلائمیٹ چینج یعنی موسمیاتی تبدیلی کو کنٹرول کرنا ہے تاکہ آنے والی قدرتی آفات میں کمی لائی جا سکے۔ اس مقصد کے لیے کاپ 27 کانفرنس میں دنیا بھر کے ملکوں کے نمائندگان سرجوڑ کر بیٹھے ہیں تاکہ کلائمیٹ چینج کا دیرپا حل نکالا جا سکے۔
مزید خبروں اور اپڈیٹس کیلئے وزٹ کیجئے گرانہ بلاگ۔
