اسلام آباد: مارکیٹ ایسوسی ایشنز نے سی ڈی اے پر زور دیا ہےکہ وہ تجارتی سرگرمیوں کے فروغ کے لیے تمام بڑی مارکیٹوں میں ترقیاتی کاموں پر توجہ دے۔
تفصیلات کے مطابق سلام آباد کی مارکیٹ ایسوسی ایشنز کے صدور نے اسلام آباد چیمبر آف کامرس اینڈ انڈسٹری (آئی سی سی آئی) میں ایک اجلاس کے دوران کیپٹل ڈویلپمنٹ اتھارٹی (سی ڈی اے) پر زور دیا کہ وہ تجارتی سرگرمیوں کو فروغ دینے کے لیے تمام بڑی مارکیٹوں میں ترقیاتی کاموں پر توجہ دے۔
اسلام آباد چیمبر آف کامرس اینڈ انڈسٹری کے صدر احسن ظفر بختاوری نے مارکیٹ ایسوسی ایشنز کے عہدیداروں سے خطاب کرتے ہوئے کہا کہ تاجر سی ڈی اے کو مختلف ٹیکس ادا کر رہے ہیں۔ اور اس کے ریونیو میں نمایاں حصہ ڈال رہے ہیں۔ لہذا، یہ شہری ادارے کی ذمہ داری ہے کہ وہ تجارتی سرگرمیوں کی ہموار ترقی کے لیے مارکیٹوں کو جدید خطوط پر استوار کرے۔ انہوں نے کہا کہ آئی سی سی آئی کی کوششوں سے سی ڈی اے نے فلٹریشن پلانٹس کی تنصیب کے لیے مختلف مارکیٹوں میں جگہیں مختص کی ہیں۔ اور یقین دلایا کہ آئی سی سی آئی مارکیٹوں کی بہتری کے لیے سی ڈی اے پر زور دیتا رہے گا۔
احسن ظفر بختاوری کا مزید کہنا تھا کہ انہوں نے کہا کہ آئی سی سی آئی مارکیٹ ایسوسی ایشنز کے ساتھ مل کر اسلام آباد میں ونٹر فیسٹیول کے انعقاد کی منصوبہ بندی کر رہی ہے۔ اور امید ظاہر کی کہ تمام مارکیٹیں اس میلے کو کامیاب بنانے میں بھرپور تعاون کریں گی۔ علاوہ ازیں انجینئر اظہر الاسلام ظفر، نائب صدر آئی سی سی آئی نے کہا کہ تاجروں کے درمیان اتحاد ان کے مسائل کے حل کے لیے کلیدی ضرورت ہے۔
اور یقین دلایا کہ آئی سی سی آئی ان کے مقصد کے لیے جدوجہد جاری رکھے گا۔ آئی سی سی آئی کے گروپ لیڈر خالد اقبال ملک نے کہا کہ تاجر برادری سی ڈی اے کے ریونیو جنریشن میں اہم اسٹیک ہولڈر ہے۔ اور شہری ادارے کو تمام مارکیٹوں کی بہتر ترقی کو یقینی بنا کر ان کی تلافی کرنی چاہیے۔
مزید خبروں اور اپڈیٹس کیلئے وزٹ کیجئے گرانہ بلاگ
