اسلام آباد: سوشل میڈیا کی معروف ترین ایپلیکیشن ٹک ٹاک نے پاکستان میں کریئیٹر پورٹل متعارف کرا دیا ہے جس کے تحت تخلیقی ذہن کے مالک افراد کے لیے تمام تربیتی وسائل ایک ہی جگہ پر فراہم کر دیے گئے ہیں۔
اس پورٹل تک ٹک ٹاک اکاؤنٹ کے ذریعے ہی رسائی حاصل کی جا سکتی ہے۔
مذکورہ پورٹل پر ویڈیوز کا ایک سلسلہ دستیاب ہے جو کریئیٹرز کو اپنی ویڈیوز کو اگلے درجے تک لے جانے میں مدد کی غرض سے راہنمائی، تجاویز اور مشاورت فراہم کرتا ہے۔
کریئیٹر پورٹل کی مدد سے کریئیٹرز کو قصہ گوئی، کمیونٹی تشکیل دینے اور تخیلاتی نظریہ پرمشتمل ماڈیولز تک رسائی ملے گی تاکہ پلیٹ فارم پر شائع مواد کی تخلیق کو متاثرکُن اور منفرد بنایا جا سکے۔
کریئیٹر پورٹل پر مواد کو پانچ حصوں میں ترتیب دیا گیا ہے جیسا کہ ٹک ٹاک پر شروعات کیسے کریں، ٹک ٹاک پر تخلیق کے لوازمات، ٹک ٹاک پر کامیابی کے بنیادی رہنما اصول، ٹک ٹاک پر مواد اپ لوڈ کرنے کی حکمت عملی اور کمیونٹی راہنما سمیت حفاظتی تدابیر وغیرہ شامل ہیں۔
مزید خبروں اور اپڈیٹس کیلئے وزٹ کیجئے گرانہ بلاگ۔
