لاہور: نگران وزیر اعلیٰ پنجاب محسن نقوی نے مناواں ہسپتال کے دورے کے دوران لاہور میں جلد پہلا سرکاری کینسر ہسپتال تعمیر کرنے کی ہدایات جاری کی ہیں۔
تفصیلات کے مطابق نگران وزیراعلیٰ پنجاب محسن نقوی نے گزشتہ روز مناواں ہسپتال کا دورہ کیا۔ دورے کے دوران انہوں نے کینسر ہسپتال کے لیے مجوزہ جگہ کے ساتھ ساتھ ہسپتال کی موجودہ عمارت کا بھی جائزہ لیا۔
مزید برآں، وزیراعلیٰ نے ملحقہ عمارت کا بھی معائنہ کیا۔ اور مناواں ہسپتال کو کینسر کے علاج کے لیے وقف مرکز میں تبدیل کرنے کے احکامات دیے۔ وزیراعلیٰ نے لاہور کی 140 ملین آبادی کے لیے کینسر ہسپتال کی اہمیت پر زور دیا۔
علاوہ ازیں پرنسپل امیرالدین میڈیکل کالج پروفیسر ڈاکٹر محمد الفرید ظفر نے لاہور جنرل ہسپتال کے ایمرجنسی ڈیپارٹمنٹ کی اپ گریڈیشن کی نگرانی کے لیے ایک کمیٹی تشکیل دے دی ہے۔
پروفیسر خضر حیات گوندل کو کمیٹی کا سربراہ مقرر کیا گیا ہے۔ دیگر اراکین میں ڈاکٹر جاوید ممتاز، ڈاکٹر لیلیٰ شفیق، نسیم خالق، محمد علی، اور ظفر مختار شامل ہیں۔
مزید خبروں اور اپڈیٹس کیلئے وزٹ کیجئے گرانہ بلاگ
