کراچی: اسٹیٹ بینک آف پاکستان نے زیرِ تعمیر گھروں کے لیے قرضوں کی فراہمی میں آسانی کا اعلان کرتے ہوئے کمرشل بینکوں کو پراپرٹی کے انفرادی خریدار کو بھی قرض کی فراہمی یقینی بنانے کی ہدایات جاری کر دیں۔
اسٹیٹ بینک آف پاکستان کی جانب سے جاری اعلامیہ کے مطابق زیرِ تعمیر رہائشی منصوبوں پر کام کرنے والے تعمیراتی اداروں کے لیے کمرشل بینکوں کو قرض کی فراہمی میں آسانیاں پیدا کرنے کی ہدایات جاری کی گئی ہیں۔
اعلامیہ میں مزید بتایا گیا ہے کہ جن رہائشی منصوبوں میں تعمیراتی ادارے قرض کی سہولت حاصل کرنے سے قاصر ہیں وہاں انفرادی حیثیت میں زیرِ تعمیر گھر کا مالک اب ہوم فنانسنگ کے لیے قرض کی سہولت حاصل کر سکتا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
