اسٹیٹ بینک نے ہاؤسنگ قرضوں سے متعلق شکایات پورٹل کا اجراء کردیا

کراچی: اسٹیٹ بینک آف پاکستان نے جمعرات کے روز ہاؤسنگ قرضوں اور مارک اپ سبسڈی سکیم سے متعلق شکایات کے لیے آن لائن پورٹل کا اجراء کردیا۔

اسٹیٹ بینک نے وزیرِ اعظم پاکستان کو یہ بات قومی رابطہ کمیٹی برائے ہاؤسنگ اور تعمیرات کے ہفتہ وار اجلاس میں بتائی۔

وزیرِ اعظم نے اس یوزر فرینڈلی ایپ کی تعریف کی اور کہا کہ اس ایپ سے اُن لوگوں کو آسانی ہوگی جو گھر بنانے کے لیے قرض لیے رہے ہیں۔

تفصیلات کے مطابق اس ایپ کے ذریعے شکایات کا ازالہ ایک متعین کردہ ٹائم فریم میں کیا جائے گا۔

لوگ اس ایپ پر آ کر کم سے کم تفصیلات درج کر کے آسانی سے اپنی شکایات کا ازالہ کروا سکتے ہیں۔

اسٹیٹ بینک میں اُوپر کی سطح تک اس ایپ کی ورکنگ مانیٹر کی جائے گی اور اس بات کو یقینی بنایا جائے گا کہ لوگوں کی شکایات کا ازالہ ہو۔

مزید خبروں اور اپڈیٹس کے لئے وزٹ کیجئے گرانہ بلاگ۔