اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے مختلف علاقوں میں غیرقانونی تجاوزات کے خلاف آپریشن کرتے ہوئے 60 کنال سرکاری اراضی واگزار کروا لی۔
حکام کے مطابق سی ڈی اے چیئرمین کیپٹن (ر) محمد عثمان یونس کی ہدایات پر انفورسمنٹ ڈائریکٹوریٹ نے آئی سی ٹی انتظامیہ اور اسلام آباد پولیس کے تعاون سے مختلف علاقوں میں غیر قانونی تعمیرات کے خلاف گرینڈ آپریشن کیا۔ ان کارروائیوں کے نتیجے میں درجنوں غیر قانونی تعمیرات کو بھاری مشینری کی مدد سے مسمار کر دیا گیا، ان کارروائیوں کے دوران 60 کنال سرکاری اراضی واگزار کرائی گئی اور تجاوزات کا 13 ٹرک پر مشتمل سامان بھی قبضے میں لے لیا گیا۔
حکام نے بتایا کہ ان کارروائیوں کا آغاز اسلام آباد کے نواحی علاقے موضع کُری ڈھوک بالگ سے کیا گیا جہاں لینڈ مافیا کی جانب سے سرکاری اراضی پر قبضہ کرنے کی کوششیں کی جا رہی تھیں۔ سی ڈی اے کی طرف سے کیے جانے والے گرینڈ آپریشن میں سرکاری اراضی پر تعمیر کی گئی وسیع چار دیواری مسمار کر دی گئی۔
سی ڈی اے حکام کے مطابق چیئرمین سی ڈی اے کیپٹن (ر) محمد عثمان یونس کی ہدایات پر انفورسمنٹ ڈیپارٹمنٹ نے اسلام آباد کے مراکز اور تجارتی علاقوں میں عوامی گزرگاہوں اور فٹ پاتھوں سے تجاوزات کے خاتمے کے لیے خصوصی مہم کا آغاز کر دیا ہے۔ سی ڈی اے حکام کا کہنا تھا کہ مہم کے دوران انفورسمنٹ ڈیپارٹمنٹ نے سیکٹر F-11 مرکز، F-10 مرکز، F-7 مرکز، G-9/4 پشاور موڑ میں تجاوزات کے خلاف بھرپور کارروائی کی، جس کے دوران سڑکوں کے اطراف، عوامی گزرگاہوں اور فُٹ پاتھوں پر موجود درجنوں غیرقانونی سٹالز کو ہٹا دیا گیا۔
علاوہ ازیں 9 ٹرکوں پر مشتمل تجاوزات کا سامان بھی ضبط کر لیا گیا۔ حکام کا کہنا تھا کہ مارگلہ ٹاؤن فیز ون اور موٹروے چوک سے تجاوزات ہٹاتے ہوئے 2 ٹرک کا تجاوزات کا سامان بھی ضبط کر لیا گیا۔
حکام کا مزید کہنا تھا کہ سید پور گاؤں میں نیشنل پارک کی حدود میں ایک مکان غیر قانونی طور پر تعمیر کیا جا رہا تھا۔ سی ڈی اے کی جانب سے غیرقانونی طور پر زیرِ تعمیر مکان کو مسمار کر کے سرکاری اراضی واگزار کروا لی گئی۔
مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
