ڈیجیٹل ادائیگیوں کے لیے اسٹیٹ بینک مائیکرو پیمنٹ گیٹ وے کا آغاز کرنے کو تیار

کراچی: اسٹیٹ بینک آف پاکستان نے اگلے دو ماہ میں مائیکرو پیمنٹ گیٹ وے کا آغاز کرنے کا اعلان کردیا ہے جس سے نجی و حکومتی سیکٹر، بینکوں، تاجروں اور صارفین کو ڈیجیٹل ادائیگیاں کرنے میں آسانی ہوگی۔

اسٹیٹ بینک نے جاری کردہ ایک رپورٹ میں کہا کہ یہ سروس اپنے آغاز سے پہلے ٹیسٹنگ کے آخری مراحل میں ہے اور دسمبر کے آخری ہفتے تک اس کا آغاز کردیا جائے گا۔

اسٹیٹ بینک نے جاری کردہ رپورٹ میں یہ توقع ظاہر کی ہے کہ منصوبے کی تکمیل کے بعد سرکاری اور نجی شعبے میں رقوم کی ترسیل خصوصاً تنخواہوں اور پنشنوں میں تیزی سے ڈیجیٹلائزیشن ہوسکے گی۔

یہ سہولت فوری ادائیگی کا ایک طریقہ کار ہے۔ اس رپورٹ میں مزید کہا گیا ہے کہ اسٹیٹ بینک نے رقوم کی ترسیل کے جدید اور مضبوط نظام بنانے کے اسٹریٹجک مقصد کے حصول کے لئے یہ ایک پہلی کاوش کی ہے۔

رپورٹ کے مطابق یہ ایک جدید ترین، باہم متمکن اور محفوظ ادائیگی کا پلیٹ فارم ہے جو صارفین، تاجروں اور سرکاری اداروں کو بغیر کسی رکاوٹ، فوری اور مؤثر طریقے سے فنڈز کا تبادلہ کرنے کے قابل بنائے گا۔

اس میں اعلی درجے کی خصوصیات ہیں جیسے کہ لوگ ریئل ٹائم میں ادائیگیاں، بلک ٹرانسفر اور ایپلیکیشن پروگرامنگ انٹرفیس کے ذریعے بینکوں، مرچنٹس اور الیکٹرانک منی انسٹیٹیوشنز کو آن بورڈ لے سکتے ہیں۔

اس منصوبے کا ایک اہم جزو گیٹ وے کی تعمیر اور چلانے کے لئے جدید ترین انفراسٹرکچر کو یقینی بنانا ہے۔

اسٹیٹ بینک کے مطابق امریکہ میں بل اور میلنڈا گیٹس فاؤنڈیشن کے ساتھ مل کر اس سہولت پر کام شروع کیا گیا۔

مزید خبروں اور اپڈیٹس کے لئے وزٹ کیجئے گرانہ بلاگ۔