اسٹیٹ بینک آف پاکستان نےاپنے ٹویٹر پر ایک بیان میں کہا ہے کہ سعودی فنڈ فار ڈویلپمنٹ کی طرف سے اسٹیٹ بینک کے پاس رکھے ہوئے تین ارب ڈالر کے زرمبادلہ میں ایک برس کی توسیع کر دی گئی ہے۔
یہ سہولت 29 نومبر 2021 میں ایک معاہدے کے تحت پاکستان کو ملنا شروع ہو ئی تھی ۔ اس معاہدے پر اس وقت کے گورنر اسٹیٹ بنک رضا باقر اور سعودی فنڈ فار ڈویلپمنٹ کے سی ای او سلطان بن عبد الرحمان نے دستخط کئے تھے۔ زرمبادلہ کے یہ ذخائر پانچ دسمبر 2022 کو سعودی عرب کو واپس کرنے تھے۔ دونوں حکومتوں کے درمیان بات چیت کے بعد اس میں ایک برس کی توسیع کر دی گئی ہے۔
اسٹیٹ بینک نے بیان میں مزید کہا ہے کہ یہ سعودی عرب اور پاکستان کے درمیان مضبوط اور خصوصی تعلقات کی عکاسی کرتا ہے۔
آئی ایم ایف کے ساتھ معاہدے کے بعد پاکستان کو سعودی عرب کی طرف سے ملنے والی اس سہولت سے روپیہ کی قدر پر دباو میں کمی واقع ہو گی۔
مزید خبروں اور اپڈیٹس کیلئے وزٹ کیجئے گرانہ بلاگ۔
