راولپنڈی: راولپنڈی ڈیویلپمنٹ اتھارٹی نے رنگ روڈ کے ہمراہ اقتصادی زون بنانے کا فیصلہ کرلیا۔
اس اقتصادی زون کو اتھارٹی کے زوننگ ریگولیشن کے تحت چلایا جائے گا۔
اس کا فیصلہ اتھارٹی کے گورننگ باڈی کے انچاسویں اجلاس میں ہوا جس کی سربراہی چیرمین طارق محمود مرتضیٰ نے کی۔
میٹینگ میں ایم پی ایز لتاصاب ستی، حاجی امجد محمود، نسرین طارق، آر ڈی اے کی ڈائریکٹر جنرل عمّارہ خان، واسا کے ایم ڈی راجہ شوکت محمود شریک رہے۔
پنجاب حکومت رنگ روڈ کے لیے زمین مختص کرنے کے اسٹیج پر ہے اور راولپنڈی ڈیویلپمنٹ اتھارٹی نے فیصلہ کرلیا ہے کہ روڈ کے ہمراہ ایک اقتصادی زون بھی بنایا جائے گا جو کہ راولپنڈی تک ہوگا۔
اس ضمن میں باقاعدہ نوٹیفیکیشن پنجاب حکومت جاری کرے گی۔
راولپنڈی ڈیویلپمنٹ اتھارٹی نے آر ڈی اے سٹی کے نام سے 3000 کنال کی اراضی پر محیط ایک ہاؤسنگ پراجیکٹ کی بھی منظوری دی۔
اس پراجیکٹ کو ایل ڈی اے سٹی کے طرز پر بنایا جائے گا، جس کے لیے 5 ممبران پر مشتمل تکنیکی کمیٹی بنا دی گئی ہے۔
کمیٹی 15 دنوں کے اندر آر ڈی اے سٹی کے لیے زمین کو حاصل کرنے اور دیگر معاملات پر رپورٹ تیار کرے گی۔
مزید خبروں اور اپڈیٹس کے لیے وزٹ کیجئے گرانا بلاگ۔
