راولپنڈی: راولپنڈی ڈویلپمنٹ اتھارٹی نے شہریوں کی آسانی کے لیے چالیس لاکھ روپے کی لاگت سے تیار کردہ ون ونڈو آپریشن فعال کردیا۔
منگل کے روز اس کا افتتاح چیرمین آر ڈی اے طارق محمود مرتضیٰ نے کیا۔
افتتاحی تقریب سے گفتگو کرتے ہوئے اُن کا کہنا تھا کہ اُن کی توجہ ہمہ وقت اس امر پر رہی کہ آر ڈی اے میں جدید تقاضوں سے ہم آہنگ ایک ون ونڈو آپریشن سینٹر فعال ہو۔
اُنہوں نے کہا کہ اب لوگ اپنے کاموں کے لیے مختلف دفاتر چکر نہیں لگائیں گے بلکہ سینٹر پر ہی اپنی درخواست جمع کرائیں گے اور اسی ایک دفتر سے اُن کے تمام مسائل حل ہوں گے۔
اُن کا کہنا تھا کہ اب کسی نے پلاٹ ٹرانسفر کروانا ہے یا کوئی نقشہ منظور کروانا ہے یا آر ڈی اے سے متعلق کوئی دوسرا کام ہے تو وہ اپنے تمام کام ون ونڈو آپریشن سنٹر سے کروا سکیں گے۔
مزید خبروں اور اپڈیٹس کے لئے وزٹ کیجئے گرانہ بلاگ۔
