راولپنڈی: راولپنڈی ڈویلپمنٹ اتھارٹی (آر ڈی اے) نے چار غیر قانونی ہاؤسنگ سکیمزکے مالکان کو نوٹسز جاری کر دیئے۔
تفصیلات کے مطابق آر ڈی اے کے ترجمان حافظ عرفان نے کہا کہ اسپانسرز کو بھی متنبہ کیا گیا ہے کہ وہ غیر قانونی ہاؤسنگ سکیمز کی مارکیٹنگ فوری طور پر روک دیں۔ ان کا کہنا تھا کہ آر ڈی اے کے ڈائریکٹر جنرل سیف انور جپہ کی ہدایت پر موضع نیکو، ٹیکسلا کے موضع گھڑی افغانہ اور چکری روڈ پر موضع راجڑ میں چار غیر قانونی پرائیویٹ سکیمز کے مالکان کو نوٹسز جاری کیے گئے ہیں۔
نیز انہوں نے متعلقہ آر ڈی اے برانچ کو غیر قانونی اشتہارات اور مارکیٹنگ پر ہاؤسنگ سکیمز کے مالکان کے خلاف ایف آئی آر درج کروانے کی ہدایات کی ہیں۔
مزید برآں، انہوں نے کہا کہ غیر قانونی ہاؤسنگ سکیمز کو بھی تنبیہ کی گئی کہ وہ اپنی غیر منظور شدہ/غیر قانونی ہاؤسنگ سکیموں کی مارکیٹنگ بند کریں۔ اور این او سی کی منظوری حاصل کرنے کے لیے آر ڈی اے سے رابطہ کریں۔ بصورت دیگر ان کے خلاف سخت قانونی کارروائی کی جائے گی۔
انہوں نے مزید کہا کہ عوام کو مشورہ دیا گیا ہے کہ وہ غیر قانونی اور غیر مجاز ہاؤسنگ سکیموز میں کسی قسم کی سرمایہ کاری سے گریز کریں۔ اور کہا کہ غیر قانونی ہاؤسنگ سکیمز کے مالکان اور اسپانسرز اشتہارات کے ذریعے عوام کو گمراہ کر رہے ہیں۔ اس سلسلے میں پلاننگ ونگ نے ایف آئی اے کے سائبر کرائم ونگ سے درخواست کی ہے کہ غیر قانونی ہاؤسنگ سکیمز کے گمراہ کن اشتہارات کے خلاف قانونی کارروائی کی جائے، تاکہ عوام کو ان کے گھپلوں میں مبتلا ہونے سے بچایا جا سکے۔
علاوہ ازیں ان کا کہنا تھا کہ غیر قانونی ہاأسنگ سکیمز کے مالکان کی جانب سے کیے گئے مذکورہ بالا جرائم پنجاب ڈویلپمنٹ اتھارٹیز پرائیویٹ ہاؤسنگ سکیمز رولز 2021 کے رول 37 کے تحت قابل سماعت ہیں۔ انہوں نے کہا کہ غیر قانونی ہاؤسنگ سکیمز کے مالکان کی جانب سے کیے گئے مذکورہ بالا جرائم پنجاب ڈویلپمنٹ اتھارٹیز پرائیویٹ ہاؤسنگ سکیمز رولز 2021 کے رول نمبر 37 کے تحت قابلِ سماعت ہیں۔
مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
