آر ڈی اے کا عوام کو غیر قانونی ہاؤسنگ سوسائٹیز میں سرمایہ کاری نہ کرنے کا انتباہ

راولپنڈی: راولپنڈی ڈیویلپمنٹ اتھارٹی (آر ڈی اے) نے اپنے ایک انتباہی پیغام میں ہدایات جاری کی ہیں کہ غیر قانونی ہاؤسنگ سوسائٹیز کے خلاف آپریشن جاری ہے اور عوام غیر قانونی ہاؤسنگ سوسائٹیز میں سرمایہ کاری سے اجتناب کریں۔

آر ڈی اے حکام کا کہنا ہے کہ ادارہ منظور اور غیر منظور شدہ ہاؤسنگ اسکیمز کے حوالے سے عوام کو مسلسل معلومات فراہم کر رہا ہے تاکہ لوگوں کے سرمائے کو محفوظ بنایا جا سکے۔

آر ڈی اے کے اس حوالے عوام الناس کو اپنے ایک پیغام میں ہدایات جاری کی ہیں کہ پلاٹ خریدنے سے قبل آر ڈی اے کی طرف سے دئیے گئے اشتہارات کو ضرور ملاحظہ کریں۔ علاوہ ازیں آر ڈی اے کے دفتر سے رابطہ کر کے بھی مطلوبہ پراپرٹی کی قانونی حیثیت کی معلومات حاصل کی جا سکتی ہیں۔

آر ڈی اے نے شہریوں کو مزید انتباہ کی ہے کہ وہ غیر قانونی ہاؤسنگ سوسائٹیز میں سرمایہ کاری نہ کریں بصورتِ دیگر نقصان کے ذمہ دار وہ خود ہوں گے۔

مزید خبروں اور اپڈیٹس کیلئے وزٹ کیجئے گرانہ بلاگ۔