راولپنڈی: آر ڈی اے ٹاسک فورس نے 6 غیر قانونی ہاؤسنگ سکیمز کے خلاف گرینڈ آپریشن کرتے ہوئے متعدد انفراسٹرکچر مسمار کر دیے۔
تفصیلات کے مطابق ڈویژنل انٹیلی جنس کمیٹی کی خصوصی ہدایت پر ٹاسک فورس نے بدھ کے روز چھ غیر قانونی ہاؤسنگ سکیمز کے خلاف گرینڈ آپریشن کیا۔اور قواعد کی خلاف ورزی کرنے والوں کے خلاف قانون کے مطابق کارروائی کی۔
آپریشن کے دوران سائٹ کے دفاتر، باؤنڈری وال، مرکزی داخلی راستے، سڑک اور دیگر انفراسٹرکچر کو سیل کر کے مسمار کر دیا گیا۔ کمشنر راولپنڈی ڈویژن لیاقت علی چٹھہ کی ہدایت پر ڈائریکٹر جنرل آر ڈی اے، ڈپٹی کمشنر راولپنڈی اور سٹی پولیس آفیسر راولپنڈی غیر قانونی ہاؤسنگ سوسائٹیز کے خلاف آپریشن کی نگرانی کر رہے ہیں۔
مزید یہ کہ ڈی جی آر ڈی اے نے بتایا کہ تمام غیر قانونی ہاؤسنگ سوسائٹیوں کے خلاف گرینڈ آپریشن شروع کیا گیا ہے۔ اور یہ قواعد کی خلاف ورزی کرنے والوں کے خلاف بلا تفریق جاری رہے گا۔
مزید خبروں اور اپڈیٹس کیلئے وزٹ کیجئے گرانہ بلاگ
