آر ڈی اے نے رنگ روڈ کے ساتھ 10 اقتصادی زونز بنانے کا فیصلہ

راولپنڈی: راولپنڈی ڈیویلپمنٹ اتھارٹی نے راولپنڈی رنگ روڈ کے ہمراہ 10 اقتصادی زونز بنانے کا فیصلہ کرلیا ہے۔ یہ فیصلہ چیئرمین طارق محمود مرتضیٰ کے زیرِ صدارت ایک اجلاس میں کیا گیا۔

اسلام آباد اور راولپنڈی چیمبرز آف کامرس اینڈ انڈسٹریز کے ممبران، آر ڈی اے افسران محمد جنید تاج بھٹی، ڈپٹی ڈائریکٹر انجینئرنگ عزیز اللہ، ڈپٹی ڈائریکٹر فنانس اور دیگر بھی اجلاس میں شریک تھے۔

میٹنگ میں ڈسکس ہوا کہ اکنامک زونز پر کام جلد سے جلد شروع کیا جائے گا۔

چیئرمین آر ڈی اے کا کہنا تھا کہ بزنس کمیونیٹی ملکی معیشت میں ریڑھ کی ہڈی کا کردار ادا کرتی ہے اور وزیرِ اعظم پاکستان کے ویژن کے مطابق اس کمیونیٹی کی سہولت کے لیے ٹھوس اقدامات کیے جا رہے ہیں۔

چیئرمین آر ڈی اے کا کہنا تھا کہ حکومت اس کمیونیٹی کے تمام تر مسائل سے آگاہ ہے جس کے بروقت اقدامات کے لیے وہ ہر سطح پر کوشاں ہے۔

مزید خبروں اور اپڈیٹس کے لئے وزٹ کیجئے گرانہ بلاگ۔