راولپنڈی: چیئرمین راولپنڈی ڈیویلپمنٹ اتھارٹی (آر ڈی اے) طارق محمود مرتضیٰ کا کہنا ہے کہ آر ڈی اے نے راولپنڈی ماسٹر پلان کی تیاری کیلئے ٹرمز آف ریفرنس (ٹی او آرز) طے کرلیے ہیں۔
اُنہوں نے کہا کہ اس ضمن میں متعدد لوکل اور بین الاقوامی کنسلٹنسی فرمز کو بھی اپنی رائے کے اظہار کیلئے مدعو کیا گیا ہے تاکہ بہترین ماسٹر پلان کی تیاری میں کوئی کسر اٹھا نہ رکھی جائے۔
چیئرمین طارق محمود مرتضیٰ آر ڈی اے کے گورننگ باڈی کے اجلاس کی صدارت کررہے تھے۔
اُن کا کہنا تھا آر ڈی اے غیر قانونی تعمیرات کے خلاف آپریشن تیز کرچکی ہے اور اس ضمن میں میڈیا کو بھی احکامات جاری کردیئے گئے ہیں کہ کسی بھی غیر قانونی ہاؤسنگ سکیم کا اشتہار نہ چلائیں۔
اُنہوں نے کہا کہ راولپنڈی شہر کی پلاننگ اور ڈیویلپمنٹ کیلئے آر ڈی اے ہی واحد لیگل باڈی ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
