اسلام آباد: وزیرِ اعظم کے مشیر برائے کامرس عبدالرزاق داؤد کا کہنا ہے کہ علامہ اقبال انڈسٹریل سٹی پر کام تیزی سے جاری ہے۔
وہ ہفتے کے روز فیصل آباد انڈسٹریل اسٹیٹ ڈویلپمنٹ اینڈ مینیجمنٹ کمپنی کے سائٹ آفس گئے جہاں انہیں پراجیکٹ پر تفصیلی بریفنگ دی گئی۔
اُن کا کہنا تھا کہ یہاں نئے انڈسٹریل یونٹس کے قیام کے لیے گیس، پاور، پانی اور دیگر ضروریات کی فراہمی یقینی بنائی جارہی ہے۔
اُنہوں نے کہا کہ یہ پاک چین اقتصادی راہداری (سی پیک) کے تحت پہلی انڈسٹریل سٹی ہے جس کی بروقت تکمیل وقت کی اہم ضرورت ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
