راول ڈیم انڈر پاس بروز سوموار ٹریفک کے لیے کھول دیا جائے گا: سی ڈی اے

وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کا کہنا ہے کہ راول ڈیم انڈر پاس بروز سوموار ٹریفک کے لیے کھول دیا جائے گا جس کے بعد ٹریفک کی آمد و رفت ممکن ہو سکے گی۔

سی ڈی اے حکام کے مطابق وزیرِاعظم کو آگاہ کیا گیا کہ ملک میں حالیہ سیلابی صورتحال کے بعد راول ڈیم انٹرچینج کی تعمیر کا کام روک دیا گیا تھا جس کی وجہ سے تاخیر ہوئی۔ مزید برآں، آپریشنل اختلاف کی بنا پر منصوبے کے کنٹریکٹر کو تبدیل کرنا پڑا جو پراجیکٹ کی تکمیل میں مزید تاخیر کا باعث بنا۔

سی ڈی اے حکام نے بتایا کہ راول ڈیم انٹرچینج متعدد سڑکوں، ایک انڈر پاس، ایک اوور ہیڈ برج، اور مارگلہ ٹاؤن انڈر پاس پر مشتمل ہے۔ علاوہ ازیں حکام کا کہنا تھا کہ مری روڈ، کلب روڈ اور پارک روڈ کو آپس میں منسلک کرتے انٹرسیکشن کے قریب تعمیراتی کام مکمل ہو چکا ہے۔

حکام کا کہنا ہے کہ سی ڈی اے اسلام آباد ایکسپریس وے کی توسیع، آئی جے پی روڈ کی بحالی، راول ڈیم فلائی اوور، سیوینتھ ایونیو فلائی اوور، نائنتھ ایونیو فلائی اوور، ٹینتھ ایونیو فلائی اوور اور بہارہ کہو انٹر چینج سمیت موجودہ ترقیاتی منصوبوں کو جلد از جلد مکمل کرنے کے لیے تندہی سے کام کر رہا ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔