اسلام آباد: چیئرمین کیپٹل ڈویلپمنٹ اتھارٹی (سی ڈی اے) نے گزشتہ روز راول ڈیم انٹرچینج سائٹ کا دورہ کیا جہاں اُنہیں آگاہ کیا گیا کہ پراجیکٹ کی تکمیل جون 2022 تک متوقع ہے۔
تفصیلات کے مطابق اس پراجیکٹ کی تکمیل اکتوبر 2022 تک رکھی گئی تھی تاہم چیئرمین سی ڈی اے کے احکامات پر پراجیکٹ پر کام کی رفتار بڑھا دی گئی ہے۔
یاد رہے کہ راول ڈیم فلائی اوور پراجیکٹ جنوری 2022 میں مکمل کرلیا جائے گا۔
چیئرمین سی ڈی اے نے متعلقہ افسران کو کام کے معیار پر کوئی سمجھوتہ نہ کرنے تلقین کرتے ہوئے کہا کہ مذکورہ منصوبے سے علاقے کے دیرینہ ٹریفک مسائل کا حل ہوگا۔
مزید خبروں اور اپڈیٹس کیلئے وزٹ کیجئے گرانہ بلاگ۔
