رشکئی کا خصوصی اقتصادی زون سرمایہ کاروں کی توجہ کا مرکز

اسلام آباد: رشکئی کے خصوصی اقتصادی زون میں 2 ہزار سے زائد سرمایہ کاروں نے اپنے اپنے یونٹس لگانے کے لیے دلچسپی ظاہر کردی ہے۔

وفاقی وزیر برائے پلاننگ و ڈیویلپمنٹ اسد عُمر نے جمعرات کے روز پراجیکٹ کی ریویو میٹنگ کی صدارت کی۔

اجلاس میں صوبائی وزیرِ فنانس تیمور خان جھگڑا اور دیگر سینئیر وفاقی اور صوبائی افسران نے شرکت کی۔

افسران کی جانب سے وفاقی وزیر کو اکنامک زون پر بریفنگ دی گئی اور اس پر پیشرفت کے حوالے سے آگاہ کیا گیا۔

اُنھیں بتایا گیا کہ اسپیشل اکنامک زون میں ایک کیمپ آفس بنا دیا گیا ہے اور یہاں پہلے انڈسٹریل یونٹ کی جانب سے تعمیرات کا آغاز کردیا گیا ہے۔

وفاقی وزیر کو آگاہ کیا گیا کہ اب تک دو ہزار سے زائد سرمایہ کاروں نے اپنے اپنے انڈسٹریل یونٹس لگانے کے لیے دلچسپی ظاہر کردی ہے۔

ان درخواستوں کو شفاف طریقے سے پراسیس کیا جائے گا اور سب کو اس اقتصادی زون میں جگہ دی جائے گی۔

اسد عمر نے خیبر پختونخوا اکنامک زونز ڈیویلپمنٹ اینڈ منیجمنٹ کمپنی کے کردار کی تعریف کی جنہوں نے پبلک پرائیویٹ پارٹنرشپ کے تحت اس اقتصادی زون کو سیٹ اپ کیا۔

اُن کا کہنا تھا کہ وفاقی حکومتِ اور ماتحت ادارے اس ضمن میں مکمل مدد کریں گے۔

مزید خبروں اور اپڈیٹس کے لیے وزٹ کیجئے گرانہ بلاگ۔