قطر پاکستان میں 9 ارب ڈالر کی سرمایہ کاری کرے گا ، 3 ارب ڈالر کے فوری ڈپیازٹس کا بھی اعلان

اسلام آباد: قطر نے پاکستان میں 9 ارب ڈالر کی سرمایہ کرنے کے ساتھ ساتھ 3 ارب ڈالر کی فوری سرمایہ کاری اور ڈیپازٹس کا بھی اعلان کیا ہے۔
قطر کے نائب وزیراعظم اور وزیر خارجہ شیخ محمد بن عبدالرحمٰن الثانی نے کہا ہے کہ امیر قطر کی ہدایت پر نئی انویسمنٹ کی گئی ، قطر پاکستان کے ،الی معاملات میں تعاون کرنے کا خواہش مند ہے اور یہ دونوں مما لک کے مابین گہری دوستی کا عکس ہے۔ تفصیلات کے مطابق قطر نے پاکستان کے ساتھ9ارب ڈالر کی شراکت داری اور 3ارب ڈالر کی فوری سرمایہ کاری اور ڈیپازٹس کا اعلان کیا ہے۔قطر کی منسٹری آف فارن افیئرز کی جانب سے جاری بیان کے مطابق امیر قطر شیخ تمیم بن حمد الثانی کی ہدایت پر قطر کے نائب وزیراعظم اور وزیر خارجہ شیخ محمد بن عبدالرحمٰن الثانی نے ڈیپازٹس اور براہ راست سرمایہ کاری کی مد میں پاکستان میں 3ارب ڈالر (تقریباً 4؍ کھرب 71؍ ارب پاکستانی روپے) کی نئی سرمایہ کاری کا اعلان کیا ہے۔