لاہور: پنجاب حکومت نے لاہور میں پہلے اسپیشل ٹیکنالوجی زون کے قیام کا اعلان کردیا ہے۔
تفصیلات کے مطابق اس زون کا نام ٹیک پورہ رکھا گیا ہے اور یہ 100 ایکڑ سے زائد اراضی پر محیط ہوگا۔
پنجاب حکومت کا کہنا ہے کہ اس زون میں شامل تمام کمپنیوں کو خصوصی ٹیکس مراعات دی جائیں گی۔
اس سکیم کو رواں سال کے ڈیویلپمنٹ پروگرام میں شامل کیا گیا ہے اور حال ہی میں پروونشل ڈیویلپمنٹ ورکنگ پارٹی نے اس کی منظوری دی ہے۔ اس سکیم کی فیزیبیلٹی کی تیاری کیلئے 25 ملین روپے مختص کیے گئے ہیں۔
مزید برآں پنجاب حکومت کی جانب سے جلد ہی صوبے میں 9 مزید ٹیکنالوجی زونز کے قیام کا اعلان بھی سامنے آیا ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
