لاہور: موسم سرما میں سموگ اور فضائی آلودگی سے بچنے کے لیے صوبائی حکومت نے چھتوں پر باغبانی کا رحجان بڑھانے سے متعلق تعمیراتی قوانین میں تبدیلی لانے کی تجویز پر غور شروع کر دیا ہے۔
لاہور ہائیکورٹ نے اپنے ایک حالیہ فیصلے میں لاہور ڈیویلپمنٹ اتھارٹی کو ہدایات جاری کی ہیں کہ وہ کثیر المنزلہ عمارتوں میں شجر کاری کی مہم یقینی بنانے میں اپنا کردار ادا کریں۔
اس حوالے سے ٹیپا کے چیف انجینئر عبدالرزاق چوہان کا کہنا ہے کہ پہلے مرحلے میں نئی تعمیر شدہ کثیر المنزلہ عمارتوں کی چھتوں پر شجر کاری کا آغاز کیا جائے گا۔
ان کا کہنا تھا کہ دوسرے مرحلے میں تعمیراتی قوانین میں مجوزہ تبدیلیوں کے بعد عمارتوں کی بالکنی میں پودوں سے آرائش کو یقینی بنانے کی تجویز زیر غور ہے۔
مزید خبروں اور اپڈیٹس کیلئے وزٹ کیجئے گرانہ بلاگ
