لاہور: پنجاب کابینہ نے صوبے کی پہلی سیاحتی پالیسی کو منظور کرلیا ہے جس کا اگلے مہینے اعلان کر دیا جائیگا۔ اس کے ساتھ ساتھ ایک موبائل ایپلی کیشن بھی متعارف کرائی جائیگی جو سیاحوں کی معاونت کریگی۔
یہ بات چیف منسٹر کی اسپیشل مانیٹرنگ یونٹ کی میٹنگ کے دوران کہی گئی، جس کی صدارت صوبائی وزیر خزانہ مخدوم جوان بخت کر رہے تھے۔
میٹنگ میں مزید کہا گیا کہ حکومت پنجاب ٹورزم ڈیولمپنٹ کارپوریشن میں ضروری اصلاحات کریگی۔
مزید برآں ایک اور میٹنگ میں اسلامی سیاحت کی فروغ کے لیئے بھی موثر اقدامات کر نے کا اعادہ کیا گیا۔
اس میٹنگ کی صدارت کرتے ہوئے صوبائی وزیر برائے سیاحت اور کھیل نے کہا کے اسلامی سیاحت کے فروغ کے لیئے جدید بس سروس متعارف کرائی جائیگی۔ یہ بھی فیصلہ کیا گیا کہ اسلامی سیاحت کا اغاز لاہور سے کیا جائیگا جسے بعد ازاں دوسرے شہروں تک بڑھایا جائے گا۔
جدید بس سروس لاہور کے 30مذہبی مقامات کی سیر کرائے گی ۔
