پی ٹی اے نے غیرضروری اشتہارات سے چھٹکارا ممکن بنا دیا

اسلام آباد: پاکستان ٹیلی کمیونیکیشن اتھارٹی (پی ٹی اے) نے غیرضروری اشتہارات سے تنگ صارفین کے لیے نئی سروس متعارف کروا دی۔

اس سروس کے تحت صارفین غیرمطلوبہ تشہیری پیغامات کو بلاک کرنے کے لیے اپنا موبائل نمبر "ڈوناٹ کال رجسٹر "میں درج کروا سکتے ہیں۔

اس مقصد کے لیے جاز/وارد، زونگ، یوفون کے صارفین reg ٹائپ کر کے 3627 پر ایس ایم ایس کر سکتے ہیں جبکہ ٹیلی نار کے صارفین 3627 پر کال کر کے یہ سروس حاصل کر سکتے ہیں۔ کسی بھی وقت یہ سروس ختم کرنے کے لیے unreg لکھ کر3627 پر ایس ایم ایس کر کے یا کال کرنے سے بھی یہ سروس ختم کروائی جا سکتی ہے۔

پی ٹی اے کی جانب سے موبائل کمپنیوں کو بھی ہدایت کی گئی ہے کہ وہ کسی مخصوص برانڈ کی طرف سے لوکیشن کی بنیاد پر صارفین کو پروموشنل ایس ایم ایس نہ بھیجیں۔

مستقل تشہیری ایس ایم ایس موصول ہونے کی صورت میں میں پی ٹی اے کی آن لائن کمپلینٹ مینجمنٹ سروس کے ذریعے شکایت درج کروائی جا سکتی ہے جبکہ صبح نو بجے سے رات نو بجے تک 080055055 پر بھی کال کی جا سکتی ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔