ماسٹر پلین میں ترامیم کے لیے فرموں سے پیشکشیں لینے کا فیصلہ

اسلام آباد : وفاقی حکومت کی جانب سے وفاقی دارالحکومت کے ماسٹر پلین میں ترامیم کے لیے بنا ئےجانے والے کمیشن نیشنل اور انٹر نیشنل فرموں سے اسلام آباد کے بلیو پرنٹس میں ترامیم کے لیے پیشکشیں لینے کا فیصلہ کیا ہے۔
ذرائع کے مطابق کمیشن کی میٹنگ سی ڈی اے ہیڈکوارٹر میں ہوئی  جہاں کمیشن نے چئیر مین سی ڈی اے عامر علی احمد کی صدارت میں یہ فیصلہ کیا کہ مشہور فرموں سے پیشکشوں کے حصول کے لیے اخبارات میں اشتہار ات دیے جائیں گے۔ چئرمین سی ڈی اے کو بتایا گیا کہ وزارت داخلہ نے کمیشن کو ہدایت کی ہے پیشکشوں کے لیے صرف ایسی درخواستیں منظور کی جائیں جو پیپرا سے منظور شدہ ہوں۔