آئندہ دنوں میں پراپرٹی کی قیمتوں میں کمی آئے گی :شبر زیدی

اسلام آباد: چئیر مین فیڈرل بورڈ آف ریوینیو (ایف۔بی۔آر) شبر زیدی نے بتا یا ہے کہ آنے والے دنوں میں ملک میں پراپرٹی کی قیمتوں میں کمی آئےگی۔

 انہوں نے ان خیالات کا اظہار منگل کو قومی اسمبلی کی قائمہ کمیٹی برائے خزانہ کو دی جانے والی بریفنگ میں کیا۔ انہوں نے کمیٹی کو اثاثے ظاہر کرنے کی اسکیم پر بریف کرتے ہوئے کہا کہ اس سکیم کا مقصد صرف رقم جمع کرنا نہیں بلکہ معیشت کا باقائدہ اندراج کرنا ہے۔ انہوں نے بتایا کہ ایمنیسٹی اسکیم کے تحت ایف بی آر کسی بھی ایسے فرد کی تفتیش کر سکتا ہے جو ملک میں 50 لاکھ سے زائد رقم بھیجتا ہے پہلے یہ رقم ایک کروڑ تھی جس کو اب کم کرکے 50 لاکھ کر دیا گیا ہے۔

 ایف بی آر کے چئیرمین کہ کہنا تھا کہ” جائز پیسے سے پراپرٹی خریدنے والوں کی تعداد کبھی بھی زیادہ نہیں تھی، نئے قوانین پر عمل درامد سے کالا دھن استعمال کر کے پراپرٹی خریدنا مشکل ہوجائے گا جس سے پراپرٹی کی قیمتوں میں کمی واقع ہو گی”۔