اسلام آباد: اپنے ذاتی مکان کی تعمیر کے لیے لوگوں کو آسان شرائط پر قرضے فراہم کرنے کے لیے پاکستان مورگیج ری فنانس کمپنی اور 6 بینکوں کے مابین معاہدہ طے ہوگیا ہے۔
اس معاہدے کی مدت 10 سال ہے اور ماہرین اسے نیا پاکستان ہاؤسنگ پروگرام کے ہدف کی تکمیل میں ایک مثبت قدم قرار دے رہے ہیں۔
ہاؤسنگ لونز کے 40 فیصد تک کی گارنٹی پی ایم آر سی کی جانب سے فراہم کی جائے گی۔
اس سلسلے میں اسٹیٹ بینک نے یہ درخواست کی ہے کہ پرائسنگ کے ضمن میں صارفین سے کوئی اضافی رقم نہ لی جائے۔
شکایت ملنے کی صورت میں بینکوں کے خلاف کارروائی بھی کی جائے گی۔
اسٹیٹ بینک نے ہاؤسنگ قرضوں کے سلسلے میں جزا اور سزا کا اسٹرکچر قائم کرلیا ہے، قرضوں کا ہدف مکمل کرنے کی صورت میں انعام اور نہ حاصل کرنے کے صورت میں سزا کا عمل کیا جائے گا۔
کریڈٹ رسک گارنٹی ایگریمنٹ کے مطابق پراویٹ سیکٹر کے 5 اور 10 مرلہ کے تعمیراتی منصوبے بھی معاہدے سے استفادہ کر سکیں گے۔
مزید خبروں اور اپڈیٹس کے لئے وزٹ کیجئے گرانہ بلاگ۔
