اسلام آباد: محکمۂ موسمیات نے مغربی لہروں کے پیش نظر 8 نومبر سے 10 نومبر کے دوران ملک کے مختلف حصوں میں بارش اور برف باری کی پیشگوئی کی ہے۔
تفصیلات کے مطابق اس موسمی نظام کے زیر اثر کوئٹہ، خاران، ہرنائی، چمن، زیارت، قلعہ عبداللہ، قلعہ سیف اللہ، لورالائی، پشین، ژوب، موسیٰ خیل، سبی، مستونگ میں آندھی چلنے کا امکان ہے۔ قلات، نوشکی اور چاغی 6 اور 7نومبر کی شام جبکہ 7 نومبر کو ڈیرہ اسماعیل خان، ڈیرہ غازی خان، لیہ، بھکر، سرگودھا، میانوالی، خوشاب، اسلام آباد، اور پوٹھوہار ریجن میں گرج چمک کے ساتھ ہلکی بارش کا امکان ہے۔
علاوہ ازیں چترال، دیر، سوات، شانگلہ، بونیر، کوہستان، مانسہرہ، ایبٹ آباد، ہری پور، صوابی، مردان، نوشہرہ، پشاور، کوہاٹ، کرم، بنوں میں بھی گرج چمک کے سداتھ بارش اور ژالہ باری کا امکان ہے۔
جبکہ میانوالی، سرگودھا، خوشاب، مری، گلیات، اسلام آباد، راولپنڈی، لاہور، اٹک، گوجرانوالہ، گجرات، سیالکوٹ، فیصل آباد، جھنگ میں 9 نومبر کی شب بارش کا امکان ہے۔
مزید یہ کہ کشمیر گلگت بلتستان اور سکردو میں 9 اور 10 نومبر کو آںدھی، بارش اور پہاڑوں پر برف باری کا امکان ہے۔ جبکہ پنجاب اور خیبرپختونخوا کے میدانی علاقوں میں رات گئے اور صبح سویرے دھند پڑنے کا امکان ہے۔
لہٰذا بارش اور برف باری کے دوران درجہ حرارت 2 سے 3 ڈگری گرنے کا امکان ہے۔ کسانوں کو موسم کے مطابق اپنی سرگرمیاں جاری رھنے کی تلقین کی گئی ہے۔ نیز شمالی علاقوں میں آنے والے سیاحوں اور مسافروں کو اس دوران محتاط رہنے کی ہداہات ہیں۔
مزید خبروں اور اپڈیٹس کیلئے وزٹ کیجئے گرانہ بلاگ
