اسلام آباد: محکمہ موسمیات کی رواں ہفتے مزید بارشوں کی پیشگوئی

اسلام آباد: محکمہ موسمیات پاکستان نے بحیرہ عرب سے بادلوں کے داخلے کے باعث 2 اگست سے ملک کے بالائی علاقوں میں بارشوں کے ایک اور سلسلے کی پیشگوئی کی ہے۔

تفصیلات کے مطابق محکمہ موسمیات نے مغربی لہر کے 3 اگست بروز جمعرات کو ملک میں داخل ہونے کا امکان ظاہر کیا ہے۔ مون سون بارش کا نیا سلسلہ آزاد کشمیر میں وادی نیلم، مظفر آباد، پونچھ، ہٹیاں، باغ، حویلی، سدھانوتی، کوٹلی، بھمبر اور میرپور میں 2 اگست کی رات سے 7 اگست تک وقفے وقفے سے آندھی اور گرج چمک کے ساتھ بارش برسنے کا امکان ظاہر کیا ہے۔

اسی طرح دیامر، استور، غذر، اسکردو، ہنزہ، گلگت، گھانچے، شگر، مری، گلیات، اسلام آباد، راولپنڈی، اٹک، چکوال، جہلم، منڈی بہاالدین، حافظ آباد، گوجرانوالہ، گجرات، سیالکوٹ، نارووال، دیر، شیخوپورہ، لاہور، شانگلہ، بونیر، مانسہرہ، کوہستان، ایبٹ آباد، ہری پور، پشاور، مردان، صوابی، اور نوشہرہ میں بھی آندھی اور گرج چمک کے ساتھ بارش متوقع ہے۔

علاوہ ازیں محکمہ موسمیات نے کرم، لکی مروت، کوہاٹ، ڈیرہ اسمٰعیل خان، بنی، کرک، وزیرستان، قصور، میانوالی، سرگودھا، خوشاب، فیصل آباد، ٹوبہ ٹیک سنگھ، جھنگ اور بھکر میں 4 سے 7 اگست تک وقفے وقفے سے گرج چمک کے ساتھ بارش کی بھی پیشگوئی کی ہے۔

محکمے موسمیات نے ایڈوائزری جاری کرتے ہوئے 4 سے 7 اگست تک کشمیر، اسلام آباد، خیبرپختونخوا اور گلگت بلتستان کے مقامی ندی نالوں میں بارش کے باعث طغیانی سے خبردار کیا ہے۔

مزید یہ کہ اعلامیے کے مطابق موسلا دھار بارش اسلام آباد، راولپنڈی، پشاور، گوجرانوالہ اور لاہور کے نشیبی علاقوں میں اربن فلڈنگ کا خدشہ ہے۔ نیز مری، گلیات، کشمیر، گلگت بلتستان اور خیبر پختونخوا کے کچھ علاقوں میں لینڈ سلائیڈنگ کا امکان ہے۔ لہٰذا مسافروں اور سیاحوں کو بارش کی پیشگوئی کے باعث محتاط رہنے کی اپیل ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔