اسلام آباد: وزیرِ اعظم عمران خان نے مُلک بھر میں غیر قانونی تعمیرات کے خلاف بھرپور کریک ڈاؤن کی ہدایت کردی۔
وہ جمعرات کے روز قومی رابطہ کمیٹی برائے ہاؤسنگ و تعمیرات کے ایک اجلاس کی صدارت کررہے تھے۔
اُنہیں اسلام آباد میں جاری تعمیراتی منصوبوں پر تفصیلی بریفنگ دی گئی۔
کیپیٹل ڈیویلپمنٹ اتھارٹی (سی ڈی اے) کی جانب سے وزیرِ اعظم کو آگاہ کیا گیا کہ سیکٹر آئی 15 میں تمام تعمیراتی کام ریکارڈ رفتار سے مکمل کرلیے گئے۔ علاوہ ازیں علی پور فراش ٹاؤن پراجیکٹ بھی تکمیل کے قریب ہے۔
وزیرِ اعظم کو بتایا گیا کہ پارک انکلیو کی کنسٹرکشن، راول چوک فلائی اوور، کورنگ برج، مارگلہ ہائی وے، سیونتھ ایونیو انٹرچینج اور آئی جے پی روڈ منصوبوں پر کام جاری ہے اور مقررہ وقت میں مکمل کیا جائیگا۔
اُنہیں آگاہ کیا گیا کہ مُلک بھر میں فاریسٹ ڈیمارکیشن ایکسرسائز 97 فیصد مکمل کرلی گئی ہے اور سرکاری اراضی کی ڈیجیٹل میپنگ بھی کی جائیگی۔
مزید خبروں اور اپڈیٹس کے لیے وزٹ کیجئے گرانہ بلاگ۔
