سرینا چوک انڈر پاس بروقت مکمل نہ ہونے پر وزیراعظم کا اظہارِ برہمی

اسلام آباد: وزیراعظم میاں محمد شہباز شریف نے آج اسلام آباد میں مختلف ترقیاتی منصوبوں کا افتتاح کیا۔ اور سنگِ بنیاد رکھا۔ تاہم سرینا چوک انڈر پاس کی بروقت تکمیل نہ ہونے پر برہمی کا اظہار کیا۔ اور تاخیر کے باعث منصوبے پر عملدرآمد روکنے اور ٹھیکہ دوبارہ دینے کی ہدایات کیں۔

تفصیلات کے مطابق وزیراعظم شہباز شریف نے سریناچوک انڈر پاس کی تعمیر کا سنگ بنیاد رکھنے کی تقریب میں منصوبہ بروقت مکمل نہ ہونے پر اظہار برہمی کیا۔ اور منصوبے پر جاری کام روک دیا۔

چیف کمشنر اسلام آباد چیئرمین سی ڈی اے نورالامین مینگل نے وزیراعظم کو منصوبے کے بارے میں بریفنگ دی۔ تاہم سست روی پر دوبارہ بڈنگ کے حوالے سے ہدایات بھی جاری کیں۔ نیز بڈنگ کے حوالے سے متعلقہ حکام کو بریفنگ دینے کی بھی ہدایت کیں۔

مزید یہ کہ وزیراعظم شہباز شریف نے بھارہ کہو بائی پاس منصوبے کا افتتاح کر دیا۔ گزشتہ برس 14 اکتوبر 2022 کو منصوبے کا سنگ بنیاد رکھا گیا تھا۔ 9 ماہ کی قلیل مدت میں 31 جولائی 2023 کو منصوبہ مکمل کر لیاگیا، جس پر 6 ارب  25 کروڑ روپے لاگت آئی ہے۔ واضح رہے کہ منصوبے سے مقامی آبادی اور سیاحوں کو بہترین سفری سہولیات حاصل ہوں گی ۔ یہ منصوبہ 5.2 کلومیٹر سڑکوں، 2 پلوں اور 4 انڈر پاسز پر مشتمل ہے۔ علاوہ ازیں ان منصوبوں کےباعث خطے میں سیاحت کو فروغ ملے گا۔ اور ایندھن کی بچت کے ساتھ ساتھ ماحولیاتی آلودگی میں بھی کمی واقع ہو گی۔

مزید خبروں اور اپڈیٹس کیلئے وزٹ کیجئے گرانہ بلاگ۔