سیالکوٹ: وزیرِ اعظم عمران خان نے بدھ کے روز سیالکوٹ کے لیے 17 ارب روپے کے منصوبوں کا اعلان کیا جنہیں پنجاب انٹرمیڈیٹ سٹیز امپروومنٹ پروگرام کے تحت مکمل کیا جائے گا۔
وزیرِ اعظم نے عوامی فلاح و بہبود کے منصوبوں کا پہلا مرحلہ شروع کیا جن میں صاف پانی کی سکیمیں، پارکس کا قیام اور سیوریج کے منصوبے شامل ہیں۔
شہر میں پارک کے قیام پر 300 ملین لاگت آئے گی جبکہ سالڈ ویسٹ منیجمنٹ کے لیے مشینری پر 600 ملین کی لاگت آئے گی۔
وزیرِ اعظم کا کہنا تھا کہ عوام کو اُن کی حکومت سے بہت اُمیدیں ہیں اور اُنہوں نے عوام کے لیے وہ منصوبے شروع کرنے ہیں جن کی لوگوں کو اصل میں ضرورت ہے۔
اُنہوں نے کہا کہ شہر کے بے ہنگم پھیلاؤ کی وجہ سے حکومت نے یہ فیصلہ کیا ہے کہ اس کا ماسٹر پلان ڈیزائن کیا جائے۔
اُنہوں نے 260 کیلومیٹر طویل واٹر پائپ لائن، 15 نئے ٹیوب ویل اور سات فلٹریشن پلانٹس لگانے کا اعلان کیا۔
اُنہوں نے سیالکوٹ کی تاجر برادری کو ایئر سیال نامی ایئرلائن شروع کرنے پر مبارکباد پیش کی۔
اُنہوں نے 14 ارب کی لاگت کے سیالکوٹ یونیورسٹی آف اپلائیڈ انجینرنگ اینڈ ٹیکنالوجی کا سنگِ بنیاد بھی رکھا۔
مزید خبروں اور اپڈیٹس کے لئے وزٹ کیجئے گرانہ بلاگ۔
