اسلام آباد: وزیراعظم شہباز شریف نے اہم اجلاس کے دوران بجلی استعمال کرنے والے صارفین کے لیے فیول ایڈجسٹمٹ میں فوری ریلیف دیے جانے کے بڑے اقدام کا اعلان کیا۔
وزیراعظم کے زیرِ صدارت ہونے والے اجلاس میں بجلی صارفین کی شکایات دور کرنے کے لیے اعلیٰ سطحی کمیٹی قائم کی گئی جو بلوں میں ہونے والی تصحیح کو ڈسکوز کی سطح پر دیکھے گی اور وزیراعظم کو رپورٹ پیش کرے گی۔
وزیراعظم نے ہدایات جاری کیں کہ 200 تک کے بجلی صارفین کے بلوں میں اعلان کردہ ریلیف کو 24 گھنٹوں میں شامل کرنے کے لیے تمام توانائیاں بروئے کار لائی جایئں۔
بجلی کے بلوں میں تصحیح کے لیےڈسکوز کا متعلقہ عملہ 24 گھنٹے کام کرے۔ وزیراعظم نے اس ضمن میں تمام سٹاف کی چھٹیاں ختم کر کے اس کام پر جلد رپورٹ پیش کرنے کی ہدایات دیں۔
مزید براں، ڈسکوز کی طرف سے تصحیح شدہ بل لینے کے لیے تمام بینکوں کو آئندہ دنوں کھلے رہنے کی ہدایات جاری کی گئی ہیں۔
حکومتی اعلامیے کے مطابق، جن صارفین کے بجلی کے بل 200 یونٹ یا اس سے کم ہیں۔ ان کے ترمیم شدہ بل جاری کر دیے گئے ہیں۔ ان بلوں کی مقررہ تاریخ بھی بڑھا دی گئی ہے۔ لہٰذا کسی صارف کو اپنے پرانے بل کی تصحیح کے لیے دفتر آنے کی ضرورت نہیں ہے۔ ان کا نیا بل ان کے گھر ارسال کر دیا جائے گا۔ وہ صارفین جن کا بل 200 یونٹ سے کم ہے اور وہ اپنا بل ادا کر چکے ہیں، ان کی اضافی ادا شدہ رقم ستمبر کے بل سے منہا کر دی جائے گی۔
مزید خبروں اور اپڈیٹس کیلئے وزٹ کیجئے گرانہ بلاگ۔
