پاکستان اور چین کے مابین رشکئ اکنامک زون کے قیام کا معاہدہ آج ہوگا

اسلام آباد: سی پیک کے تحت پاکستان اور چین کے مابین رشکئ میں خصوصی اقتصادی زون کے قیام پر دستخط آج ہوں گے۔

دستخط وزیرِ اعظم ہاؤس میں منعقد ایک تقریب میں ہوں گے جس میں وفاقی وزراء، مختلف وزارتوں سے تعلق رکھنے والے افسران، کے پی حکومت کے نمائندگان، اور منصوبے سے جُڑے مختلف اسٹیک ہولڈرز شریک ہوں گے۔

چیرمین بورڈ آف انویسٹمنٹ عاطف بُخاری کا کہنا تھا کہ رشکئ میں خصوصی اقتصادی زون کے قیام سے ترقی کی نئی سمت متعین ہوگی۔

اُنہوں نے کہا کہ ملک میں کاروبار کے فروغ کے لیے ایسے کئی اکنامک زونز ترتیب دیے جا رہے ہیں جن سے ایک خوشحال اور صنعتی پاکستان کا وجود سامنے آئے گا۔

اُنہوں نے کہا کہ رشکئ اکنامک زون کے لئے 210 میگاواٹ بجلی اور 30 ایم ایم سی ایف ڈی گیس کی فراہمی کے لیے 3 ارب روپے کی رقم مختص کی گئی ہے۔

عاطف بُخاری کا کہنا تھا کہ زون کی تعمیر اور ڈیویلپمنٹ پر 128 ملین روپے کی لاگت آئے گی اور اس کے لیے 1000 ایکڑ کی اراضی مختص کی گئی ہے۔

اگست 2019 میں رشکئ اکنامک زون کو خصوصی معاشی زون کے طور پر نامزد کیا گیا تھا۔

مزید خبروں اور اپڈیٹس کے لیے وزٹ کیجئے گرانا بلاگ۔