راولپنڈی: ڈائریکٹر جنرل راولپنڈی ڈویلپمنٹ اتھارٹی (آر ڈی اے) سیف انور جھپہ نے تمام ڈائریکٹوریٹس کو ہدایات جاری کی ہیں کہ وہ فوری طور پر سروس ڈیلیوری، شفافیت، سائلین کی سہولت اور گڈ گورننس سے متعلق حکمتِ عملی تیار کریں۔
انہوں نے سرکاری ریکارڈ کی حفاظت کرنے کی بھی ہدایات جاری کیں۔
اس حوالے سے ان کا کہنا تھا کہ آر آئی ٹی کی ہاؤسنگ سوسائٹیز کے تمام ریکارڈ کو سکین کر کے فاسٹ ٹریک بنیادوں پر کمپیوٹرائزڈ کیا جائے۔
انہوں نے کہا کہ لوگوں فلاح کے اقدامات متعارف کرانے کے لیے ہمیں ایک ایسی جگہ مختص کرنے کی ضرورت ہے جہاں معزز شہری انتظار کر سکیں اورانہیں پانی پینے کی سہولت فراہم کی جائے۔
انہوں نے تمام افسران اور اہلکاروں کو ہدایت کی کہ وہ اپنے دفاتر میں وقت کی پابندی اور اس بات کو یقینی بنائیں کہ ویٹنگ ایریا میں سگریٹ نوشی سے پرہیز کیا جائے۔
انہوں نے یہ بھی ہدایت کی کہ آر ڈی اے کی عمارت میں سموکنگ کارنر قائم کیا جائے۔
انہوں نے ایل ڈی اینڈ ای ایم اور ایم پی اینڈ ٹی ای ڈائریکٹوریٹ کو ریونیو جنریشن بڑھانے اور تجاویز پیش کرنے کی بھی ہدایات جاری کیں۔
انہوں نے ٹرانسفر ڈیڈز کو مکمل کرنے کے لیے ٹائم لائنز اور سسٹم تیار کرنے کی بھی ہدایت کی۔
ان کا کہنا تھا کہ سائلوں کو یہ چیک کرنے کے لیے دفتر آنا جانا نہیں چاہیے کہ آیا ان کے دستاویزات کی تصدیق ہو چکی ہے کہ نہیں۔
انہیں ایس ایم ایس پیغام موصول ہونا چاہیے کہ وہ ون ونڈو آپریشن سینٹر سے اپنے کاغذات جمع کرا سکتے ہیں۔
انہوں نے انجینئرنگ ڈائریکٹوریٹ کو آر ڈی اے کے کنٹرولڈ ایریا میں بیوٹیفکیشن پلان اور ٹریفک مسائل کا حل کے لیے میکانزم تیار کرنے کی ہدایت کی۔
انہوں نے کہا کہ اس مسئلہ کے حل کے لیے سی ٹی او راولپنڈی سے بھی مدد لی جا سکتی ہے۔
ان کا مزید کہنا تھا کہ تمام ڈائریکٹوریٹس کی کارکردگی کا ماہانہ جائزہ لیا جائے گا جبکہ جلد اور بروقت کام مکمل کرنے پر متعلقہ افسران و سٹاف کو تعریفی اسناد اور بونس بھی دیے جائیں گے۔
مزید خبروں اور اپڈیٹس کیلئے وزٹ کیجئے گرانہ بلاگ۔
