اسلام آباد: اوورسیز پاکستانی فاؤنڈیشن (OPF) نے پاکستان کے تمام صوبوں میں جائیدادوں کے تحفظ اور بیرون ملک مقیم پاکستانیوں کی جائیداد کے تنازعات کا فوری ازالہ کرنے کے لیے فاسٹ ٹریک عدالتیں قائم کرنے کا منصوبہ بنایا ہے۔
تفصیلات کے مطابق اوورسیز پاکستانی فاؤنڈیشن کے منیجنگ ڈائریکٹر ڈاکٹر عامر شیخ نے سینیٹ کی قائمہ کمیٹی برائے سمندر پار پاکستانیوں اور انسانی وسائل کی ترقی کو بتایا کہ فاؤنڈیشن نے بیرونِ ملک مقیم پاکستانیوں کے مسائل کے بروقت حل کے لیے ہاؤسنگ سوسائٹیز، تعلیمی ادارے اور شکایت سیل بھی قائم کیے ہیں۔
مزید یہ کہ کمیٹی نے اس اقدام کو سراہا اور ایمپلائز اولڈ ایج بینیفٹ انسٹی ٹیوشن (EOBI) کو ہدایات کی کہ وہ آئندہ دو ہفتوں میں اس کے خلاف تمام تحفظات پر مبنی ایک تفصیلی رپورٹ فراہم کرے۔
اجلاس میں متعدد سینیٹرز اور وزارت اور اس کے ماتحت محکموں کے اعلیٰ حکام نے شرکت کی۔ عامر شیخ نے اپنے خیالات کا اظہار کرتے ہوئے کہا کہ اس پیش رفت سے سمندر پار پاکستانیوں اور ان کے زیر کفالت افراد کو درپیش مسائل ہموار کرنے میں مدد ملے گی۔ یہ اوورسیز پاکستانیوں کی وزارت کا بنیادی کام ہے۔ مزید برآں، جائیداد کے تنازعات کے لیے فاسٹ ٹریک عدالتوں کا قیام ایک خوش آئند قدم ہے۔ کیونکہ اس سے بیرون ملک مقیم پاکستانیوں کو درپیش جائیداد کے تنازعات کا فوری ازالہ ممکن ہو گا۔
مزید خبروں اور اپڈیٹس کیلئے وزٹ کیجئے گرانہ بلاگ۔
