نیا پاکستان ہاوسنگ اینڈ ڈویلپمنٹ اتھارٹی کے قیام کے لیے صدارتی آرڈیننس کا نوٹیفیکشن جاری 

اسلام آباد :نیا پا کستان ہا ئوسنگ اینڈ ڈویلپمنٹ اتھارٹی کے قیام کیلئے صدارتی آرڈی نینس کا گزٹ نو ٹیفکیشن جاری کر دیا  گیا۔ وزارت قانون و انصاف نے نو ٹیفکیشن جاری کیا۔نوٹیفکیشن کا اطلاق پورے پاکستان پر ہوگا ۔یہ فوری طور پر نافذا لعمل ہو گا۔ یہ اتھارٹی انتظامی اور ما لیاتی اعتبار سےوسیع اختیارات کی حامل ہوگی جسے فنڈز جمع کرنے کیلئے رئیل اسٹیٹ انوسٹمنٹ ٹرسٹ ، بانڈز اور سکوک کے اجراء کا اختیار ہوگا۔

آرڈی نینس کا مقصد شہریوں کو ہائوسنگ کی سہو لت فراہم کرنا ہے اور اس مقصد کے حصول کیلئے اتھارٹی کسی بھی وفاقی ، صو بائی یا مقا می ادارے سے کوآرڈی نیشن کرسکتی ہے۔اتھارٹی ٹرم فنا نس سر ٹیفیکیٹ یا مشارکہ سرٹیفیکیٹ کی بنیادپر بھی فنڈز جمع کرسکے گی۔اتھارٹی ڈونرز یا حکومتی اداروں سے مدد ،مالیاتی اداروں سے قرضہ لے سکے گی۔یہ اپنی بجلی پید ا یا اکھٹی بجلی خرید سکے گی۔ پبلک پرا ئیو یٹ پارٹنر شپ کے تحت کوئی بھی کام آئوٹ سروس کرسکتی ہے۔ اتھارٹی کو پراپرٹی ٹیکس یا ٹول یا لیوی لگانے یا جرمانہ کی وصولی کا اختیار ہو ۔