اسلام آباد: نیشنل ہائی وے اتھارٹی (این ایچ اے) نے گزشتہ ایک سال میں نجی سیکٹر سے سڑکوں کی تعمیر کے منصوبوں کے لیے 144 ارب روپے کی سرمایہ کاری حاصل کرلی ہے۔
یہ ملک میں براہِ راست بیرونی سرمایہ کاری یعنی فارن ڈائریکٹ انویسٹمنٹ سے زیادہ ہے۔
این ایچ اے کے افسران کے مطابق ان تمام منصوبوں کی تکمیل سے تقریباً 391 ارب کا ریوینیو حاصل ہوگا۔
تفصیلات کے مطابق انفراسٹرکچر ڈیویلپمنٹ کے یہ تمام منصوبے پبلک پرائیویٹ پارٹنرشپ سے مکمل کیے جائیں گے۔
اس طرح کے منصوبوں میں پرائیویٹ پارٹی کے ذمے ڈیزائن، کنسٹرکشن اور آپریشن کے تمام تر اقدامات ہوتے ہیں جس کے بدلے میں کچھ عرصے تک اُسے ریوینیو حاصل کرنے کی اجازت ہوتی ہے۔
اس طرح کے پراجیکٹس کی چند مثالیں اسلام آباد تا لاہور موٹروے، کراچی حیدرآباد موٹروے اور سیالکوٹ لاہور موٹروے ہیں۔
حیدر آباد سکّر موٹروے کے لیے ایکنک نے 165 ارب روپے کی منظوری دے دی ہے جو کہ 365 کلومیٹر طویل ہوگی۔
اسی طرح سے سیالکوٹ تا کھاریاں اور کھاریاں تا راولپنڈی منصوبہ بھی پائپ لائن کا حصہ ہیں۔
مزید خبروں اور اپڈیٹس کے لیے وزٹ کیجئے گرانہ بلاگ۔
