اسلام آباد: وفاقی حکومت نے اسلام آباد میں بین الاقوامی میعار کے حامل نئے ٹریفک قوانین متعارف کرانے کا فیصلہ کیا ہے۔
تفصیلات کے مطابق، یہ فیصلہ ایک اعلی سطحی اجلاس میں ہوا جس کی صدارت وفاقی وزیر داخلہ اعجاز شاہ کر رہے تھے۔ وزیر داخلہ نے متعلقہ افسران کو ہدایات جاری کیں کہ نئے ٹریفک قوانین کا اطلاق فوری طور پر شروع کیا جائے۔
نئے قوانین کے مطابق، تین دفعہ چالان ہونے کے بعد متعلقہ شخص کا ڈرایئونگ لائسنس منسوخ ہو جائیگا۔ مزید برآں، دوران سفر سگریٹ نوشی پر جرمانہ عائد ہوگا، جبکہ فرنٹ سیٹ میں بیلٹ باندھنے کو بھی لازمی قرار دے دیا گیا۔
اس کے ساتھ ساتھ اگر بغیر کسی ٹھوس وجہ کے کہیں پہ بھی ٹریفک جام ہوئی تو متعلقہ ایس پی اور ڈیوٹی افسر کے خلاف قانونی کاروائی ہوگی۔
وفاقی وزیرنے نئے قوانین کے اطلاق کےلیئے 30 ستمبر کی ڈیڈ لائن مقرر کی۔ اور ساتھ ہی اداروں کوسوشل میڈیا پرمناسب آگاہی مہم شروع کرنے کی بھی ہدایت کی۔
