سعودی عرب: نیوم نے آرٹ اور انٹرٹینمنٹ کے نئے مقام ’اوتامو‘ کا اعلان کر دیا

اسلام آباد: سعودی عرب میں تعمیر کیے جانے والے نئے شہر نیوم نے ’اوتامو‘ کی نقاب کشائی کر دی، جو آرٹ اور تفریح کے لیے ایک عمیق مقام ہے۔ یہ عالمی فنکاروں کی میزبانی کے لیے وہ جدید منزل ہے، جو تقریبات اور ایونٹس کے لیے ایک منفرد اور یکسر مختلف مقام ہے۔ ’اوتامو‘ شمال مغربی سعودی عرب میں ایک پائیدار علاقائی ترقی کو اجاگر کرےگا۔

تفصیلات کے مطابق خلیج عقبہ کی ساحلی پٹی کے ساتھ واقع ایک پہاڑ میں اوتامو موسیقی کی تقریبات، نمائشوں اور آرٹ کی سرگرمیوں کے لیے ایک منفرد پس منظر لیے ہے، جو روایتی تفریحی تجربات کو بدل دے گا۔ قدرتی خوبصورتی اور ٹیکنالوجی کے امتزاج سے اس مقام کو ایک ایسی جگہ کے لیے ڈیزائن کیا گیا ہے۔ جہاں آرٹ اور فن تعمیر ہم آہنگی ہے۔ اور جو دیکھنے والوں کو واقعی منفرد تجربات سے ہمکنار کرے گا۔

مزید یہ کہ مہمان گرینڈ ہال تک پہنچنے سے پہلے بہت بڑے باغ پر مبنی کے ایک توسیعی راستے سے گزرتے ہوئے اوتامو پہنچیں گے، جس میں جھاڑیوں، جڑی بوٹیوں اور پھولوں کی 50 سے زائد اقسام شامل کی گئی ہیں۔ 64 میٹر اونچا داخلی دروازہ، جو آرٹ اور ڈیزائن کا شاہکار ہے، اندر آنے والے مہمانوں کو حیرت انگیز تجربات کا منظر پیش کرتا ہے۔

علاوہ ازیں، مستقبل کا تھیٹر کہلائے جانے والا ہال جہاں حقیقت اور ڈیجیٹل دائرے آپس میں ملتے ہیں، اوتامو وہاں ایسے پروگرامز کی میزبانی کرے گا جو تفریح کے معیار کو نئے سرے سے تعین کرتے ہیں۔ یہ کثیرالامقاصد کا وہ مقام ہے جہاں وی آئی پی لاؤنج اور سگنیچر ریسٹورینٹس اسے دنیا کے جداگانہ مقامات میں سے ایک بنا دیں گے۔ اور یہ دنیا بھر کے مایہ ناز فنکاروں کی صلاحیتوں کو شرفِ میزبانی بخشے گا۔

گہرائی اور باریک بینی سے فنکارانہ تنصیبات اور پرفارمنس کی سہولت کے لیے اس مقام کو احتیاط سے تیار کیا جا رہا ہے۔ ایڈوانسڈ آڈیو ویژول سسٹم مہمانوں کا دل موہ لیں گے۔ اور کارکردگی کا حصہ بن کر مہمانوں کو سمعی و بصری حیرت میں ڈھانپیں گے۔

پائیدار ترقی کو مدنظر رکھتےہوئے نیوم کے تحفظ کے لیے اوتامو کے ڈیزائن اور تعمیر میں جدید تکنیکوں کا استعمال کیا جا رہا ہے، تاکہ ارد گرد کے ماحول میں کم سے کم مداخلت کو یقینی بنایا جا سکے۔ نیوم کی ترقیاتی خبروں میں سیرانا، ایپیکون، اور لیجا کے سیاحتی مقامات بھی شامل ہیں۔

مزید خبروں اور اپڈیٹس کیلئے وزٹ کیجئے گرانہ بلاگ۔