کراچی لاہور موٹروے کا سکھرـملتان سیکشن اگست میں ٹریفک کے لیے کھول دیا جائے گا

ملتان: کراچی لاہور موٹروے کا 392 کلو میٹر سکھر ملتان سیکشن پر تیزی سے کام جاری ہے اور یہ تکمیل کے آخری مراحل میں ہے۔ پراجیکٹ کا ملتان سے سکھر تک کا سیکشن اگست سے ٹریفک کے لیے کھول دیا جائے گا۔
ملتان سے شروع ہو کر یہ سیکشن جلال پور پیر والا،احمد پور شرقیاں، رحیم یار خان،صادق آباد، اوباڑواور پنو عاقل سے گزر کر سکھر میں ختم ہوتی ہے۔ پراجیکٹ مجموعی طور پر 54 پلوں پر شامل ہیں جن میں سے ایک اہم پل دریائے ستلج پرتعمیر کیا گیا ہے۔ پراجیکٹ میں12 سروس ائریا، 10 ریسٹ ائریا،11 انٹر چینج،10 فلائی  اور 426 انڈر پاسز بھی شامل ہیں۔
اس کے انٹر چینجز میں ملتان ،شجاع آباد، جلال پور پیر والا ، اچ شریف، ترنڈا، ظہیر پیر، بہادرپور، گڈو،گھوٹکی،پنو عاقل،سکھر، بہا ولپورروڈ ، لودھراں روڈ ،علی پور روڈ، چاچرہ شریف روڈ، کمان بھٹہ،صادق آباد روڈاور صادق آباد کشمور روڈ جے ڈی ڈبلیو یونٹ شوگر مل روڈ اور گریند ٹرنک روڈ شامل ہیں۔
پراجیکٹ کا 33 کلومیٹر طویل ملتان شجاع باد سیکشن 2018 کا افتتاح گزشتہ سال کر دیا گیا تھا۔
یہ موٹروے چائنہ پاکستان اکنامک کوریڈور کا اہم حصہ ہےاور منصوبے کے لیے درکار رقم کا بیشترحصہ چینی بینکوں نے مہیا کی ہے۔
موٹروے کا مقصد مسافروں اور چیزوں کی آمد و رفت کے لیے تیز رفتار اور چھ لائنوں پر مشتمل بہتریں سڑک کی فراہمی کرنا ہے تا کہ ملکی معاشی اور صنعتی شعبے کو ترویج دی جا سکے۔