رواں برس کیپیٹل میں چھ لاکھ سے زائد درخت لگائے گئے۔ چیئرمین سی ڈی اے

اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے چیئرمین نورالامین مینگل نے مون سون پلانٹیشن تقریب سے خطاب کیا۔ اور رواں برس ریکارڈ درخت لگانے سے آگاہ کیا۔

تفصیلات کے مطابق چیئرمین سی ڈی اے نے مون سون پلانٹیشن تقریب سے خطاب کرتے ہوئے کہا کہ اللہ  کا شکر ہے ہم اس سال 10  لاکھ میں سے ساڑھے 6 لاکھ درخت لگا چکے ہیں۔ اور باقی درختوں کی پلانٹیشن جاری ہے۔

انہوں نے مزید کہا کہ عید پر لوگ اپنے جانوروں کے ساتھ گھروں سے باہر نکلتے رہے۔ اور نتیجتاً جانور درختوں کے پتے کھا گئے۔ ہمیں اپنے آج اور کل کے لیے پودے لگانے کی ضرورت ہے۔ موسمی درجۂ حرارت میں آئے روز اضافے کو درخت لگا کر قابو کیا جا سکتا ہے۔ لہٰذا سی ڈی اے کے ساتھ ساتھ ملک بھر میں اس کاوش کی ضرورت ہے۔

علاوہ ازیں چیئرمیین نورالامین مینگل کا کہنا تھا کہ رفاہ یونیورسٹی نے 5 ہزار درخت گفٹ کیے ہیں۔ اور ہم نے آج سے یہ پالیسی بنا دی ہے کہ ہر لگائے جانے والے درخت کی لمبائی کم از کم 8 فٹ ہونی چاہیئے۔

انہوں نے یہ بھی کہا کہ ماضی میں کچھ ایسے درخت لگائے گئے جن کی وجہ سے پولن اور دیگر بیماریوں میں اضافہ ہوا۔ لہٰذا ایسے درختوں کی جگہ دیگر درخت لگانے کا سلسلہ جاری ہے۔کسی بھی پراجیکٹ کا گرین فنڈ 1 فیصد تھا، جو اب 2 فیصد کر دیا گیا ہے۔ ہم سی ایس آر اور سول سوسائٹی کی طرف سے ایسے کاوشوں کو خوش آمدید کہیں گے۔ اور آپ کو پارکس بھی بنا کر دیں گے۔ نیز ہم نے اپنے بہترین افسر کو ممبر انوائرنمنٹ لگایا ہے۔

انہوں نے مزید بتایا کہ کرنل شیر خان ایونیو پر 50 ہزار اور مارگلہ ایونیو پر 26 ہزار درخت لگائے گئے ہیں۔

مزید خبروں اور اپڈیٹس کیلئے وزٹ کیجئے گرانہ بلاگ۔