ضلع راولپنڈی میں 300 سے زائد غیر قانونی ہاؤسنگ سکیمز کا راج

راولپنڈی: راولپنڈی ڈویلپمنٹ اتھارٹی (RDA) کی منظوری کے بغیر ضلع میں 318 سے زائد غیر قانونی ہاؤسنگ سکیمز موجود ہیں۔ جبکہ صرف 70 ہاؤسنگ سکیمز کو سرکاری منظوری ملی ہے۔

تفصیلات کے مطابق پنجاب لینڈ ریونیو اتھارٹی نے نوٹس لیتے ہوئے منظور شدہ ہاؤسنگ سوسائٹیز میں خلاف ورزیوں کے بارے میں تفصیلات طلب کر لیں۔ قانون کے مطابق ہاؤسنگ سوسائٹیز کو اپنی حدود میں ضروری سہولیات فراہم کرنی ہوتی ہیں جن میں پانی کی فراہمی، سیوریج کا نظام، قبرستان، اسکول، کالج اور پبلک پارکس شامل ہیں۔

آر ڈی اے کے ڈائریکٹر جنرل سیف انور جپہ کے مطابق متعدد ہاؤسنگ سکیمز میں صرف 70 نے ہی مناسب منظوری حاصل کی ہے جبکہ باقی غیر قانونی ہیں۔ ان کا مزید کہنا تھا کہ انہوں نے لینڈ ریونیو ڈیپارٹمنٹ کی مدد سے تمام متعلقہ ریکارڈ کو کامیابی سے ڈیجیٹلائز کیا۔

تاہم آر ڈی اے نے غیر قانونی ہاؤسنگ سکیمز کے مالکان اور ڈویلپرز کو وارننگ جاری کی ہے۔ اور ان پر زور دیا ہے کہ وہ شہری ادارے سے منظوری حاصل کریں۔ لیکن انتباہ نظر انداز کیا گیا۔

اس کے علاوہ کمشنر لیاقت علی چٹھہ نے اس معاملے پر فیصلہ کن مؤقف اختیار کرتے ہوئے مالکان کو منظوری لینے اور بلیک لسٹ ہونے کے خطرے سے بچنے کی حتمی وارننگ جاری کی ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔