راولپنڈی: پاکستان تحریک انصاف کے رہنما اور رکن قومی اسمبلی راجہ عامر کیانی نے کہا ہے کہ ضلع راولپنڈی میں جاری ترقیاتی منصوبوں کو بر وقت پایہ تکمیل تک پہنچایا جائے اور کارکردگی پر کسی قسم کا سمجھوتہ نہیں کیا جائے گا۔
ان خیالات کا اظہار انہوں نے جم خانہ راولپنڈی میں ضلعی رابطہ کمیٹی اجلاس کی صدارت کرتے ہوئے کیا۔ اجلاس میں ضلع راولپنڈی میں جاری ترقیاتی منصوبوں پر ہونے والی پیش رفت کا جائزہ لیا گیا۔
انہوں نے انتظامی حکام کو ہدایات جاری کیں کہ پانی کی قلت کو پورا کرنے کے کے لیے چھوٹے ڈیمز پر کام تیز کیا جائے تاکہ شہریوں کو پینے کا صاف پانی میسر آ سکے۔
مزید خبروں اور اپڈیٹس کے لیے وزٹ کیجئے گرانہ بلاگ۔
